შპს სახელმწიფო უზრუნველყოფამ აუქციონებზე კვლავ გამოიტანა მიწის ნაკვეთები
შპს სახელმწიფო უზრუნველყოფამ თბილისში (თვალჭრელიძის ქ. 2) მდებარე მიწის ნაკვეთი (344,396 კვ.მ) პირობიან აუქციონზე მეხუთედ გამოიტანა. მისი საწყისი ფასი კვლავ $25 მილიონს შეადგენს.
შეგახსენებთ, რომ მიმდინარე წელს ჩატარებული წინა 4 აუქციონი განაცხადების არ არსებობის გამო ჩაიშალა. სამ აუქციონზე საწყისი ფასი $34 მილიონი იყო, ხოლო მეოთხეზე - $25 მილიონი.
ასევე აუქციონზე შპს-ს მიერ მეშვიდედ არის გამოტანილი ბაგებში (წყნეთის გზატკეცილზე) მდებარე მიწის ნაკვეთი (40,500 კვ.მ) და მშენებარე შენობა. ობიექტი კვლავ $5.3 მილიონად იყიდება.
შეგახსენებთ, რომ აღნიშნული ობიექტის საწყისი ფასი პირველ ხუთივე აუქციონზე $7 მილიონს შეადგენდა. ხოლო მეექვსე აუქციონზე $5.3 მილიონად შეფასდა. შპს-ს ცნობით, აუქციონები განაცხადების არ არსებობის გამო ჩაიშალა.
განაცხადები ორივე აუქციონზე 18 დეკემბრის ჩათვლით მიიღება. აუქციონები ამავე დღეს შპს სახელმწიფო უზრუნველყოფის შენობაში გაიმართება. ”სარკე”
|