როგორც ეკონომიკის სამინისტროდან გახდა ცნობილი, საქართველოს ხელისუფლებას გადაწყვეტილი აქვს კიდევ ერთი თავისუფალი ინდუსტრიული ზონის შექმნა. ახალი ზონა, სავარაუდოდ აჭარაში შეიქმნება, კერძოდ თურქეთის საზღვართან ხელვაჩაურის რაიონში და რომელსაც მინიმუმ 10 ჰექტარი მიწის ფართობი დაეთმობა.

ჯერჯერობით უცნობია, თუ როდის გამოაცხადებს მთავრობა კონკურს და როდის დაიწყება ინვესტორების წინადადებების  მიღება.

შეგახსენებთ, რომ ფოთში უკვე არსებობს თავისუფალი ინდუსტრიული ზონა, რომელიც 100 ჰექტარზეა განთავსებული. ამ ტერიტორიაზე არაბულმა კომპანია ”RAK Investment Authority"-იმ უკვე დაიწყო მშენებლობა, სადაც ინვესტორი 200 მილიონი დოლარის ინვესტიციას ახორციელებს. სამუშაოები სავარაუდოდ 2009 წლის გაზაფხულზე დასრულდება.