მცირე ბიზნესის მხარდასაჭერად საკანონმდებლო ცვლილებები მომზადდა
სამოქალაქო მოძრაობა სოლიდარობამ დღეს წარადგინა ”მცირე ბიზნენსის შესახებ” კანონპროექტი, რომელიც ამ სფეროს ხელშეწყობას ითვალისწინებს. დოკუმენტის ამოქმედებას 2010 წლის 1 იანვრიდან ვარაუდობენ (საქართველოს პარლამენტის მიერ დამტკიცების შემთხვევაში).
კანონპროექტი ითვალისწინებს ე.წ. მცირე ბიზნესის ადმინისტრაციის (ლობისტთა ჯგუფი) შექმნას, მთავრობის მხრიდან მცირე ბიზნესის მხარდაჭერის ისეთ ფორმებს, როგორიცაა რეგისტრაციისა და საგადასახადო სისტემის გამარტივებული წესი და სხვ.
სოლიდარობის ცენტრის მიერ შეთავაზებული ნორმებით, მცირე ბიზნესს მიეკუთვნება კომპანიები 300,000 ლარის წლიური ბრუნვით და 5 დასაქმებული ადამიანით, ხოლო საშუალო ბიზნესს - 2 მილიონ ლარის ბრუნვით და 30 დასაქმებულით. ეს მონაცემები შეესაბამება ევროკავშირის სტანდარტებს, აღნიშვნას ცენტრის ხელმძღვანელი კახა კოხრეიძე.
შეგახსენებთ, რომ საქართველოს საშუალო და მცირე საწარმოთა საქმიანობა რეგულირდებოდა 1999 წელს მიღებული ”მცირე და საშუალო საწარმოთა მხარდაჭერის შესახებ” კანონით, რომელიც 2006 წელს გაუქმდა.
სოლიდარობის ცენტრი ფუნქციონიერბს 2008 წლის დასაწყისიდან. კანონპროექტი მომზადდა ფრიდრიხ ებერტის ფონდის წარმომადგენლობის საქართველოში ხელშეწყობით. ”სარკე”
|